धारबांदोडा : मोले येथील एका वाईन शॉपमध्ये अग्नितांडव पाहायला मिळालं आहे. प्रसाद वाईन शॉप असं या दुकानाचं नाव असून आग लागून सुमारे सात लाखांचे नुकसान झाल्याचा प्राथमिक अंदाज आहे. शॉर्टसर्किटमुळे ही आग लागल्याचा प्राथमिक अंदाज असून सदर घटना मंगळवारी घडली आहे. (Fire in Wine Shop News Updates)

वाईन शॉपला लागलेल्या आगीत दारुच्या बाटल्या, लॅपटॉप, रेफ्रिजरेटर आणि इतर सामान जळून खाक झाले आहे. फोंडा येथून अग्निशमन दलाला (Fire Brigade) तातडीने याची माहिती देण्यात आली. मात्र अग्निशमन दल दाखल होईपर्यंत दुकान जळून खाक झालं होतं. दुकानाच्या मालकाने दिलेल्या माहितीनुसार अंदाजे सात लाखांचा दुकानातील माल जळून खाक झाला आहे.

दरम्यान गोव्यात आगीच्या घटना सातत्याने वाढतानाच दिसत आहेत. फातोर्डा (Fatorda) येथील कोलवा जंक्शन सर्कल जवळ सोमवारी संध्याकाळी सात वाजण्याच्या सुमारास चारचाकी वाहनाला आग (Fire) लागली. गाडीतील प्रवाशांनी प्रसंगावधान राखत वेळीच बाहेर धाव घेतल्याने जीवितहानी टळली, मात्र यात गाडीचं मोठं नुकसान झालं आहे.