वास्को: वास्कोत (vasco) शहराच्या मध्यभागी असलेल्या अपना बाजार शॉपिंग कॉम्प्लेक्स मधील एका दुकानात शुक्रवारी रात्री उशिरा मोठी आग लागल्याची घटना घडली.वास्को अग्निशमन केंद्राच्या सूत्रांनी दिलेल्या माहितीनुसार सदर आग शाॅर्ट सर्कीटमुळे लागल्याचा अंदाज व्यक्त करण्यात आला. अपना बाजार शॉपिंग कॉम्प्लेक्सच्या (Shopping Complex) तळमजल्यावर असलेल्या एका दुकानाला आग लागली, मात्र या घटनेत कोणतीही जीवितहानी झाली नाही.

सदर घटना रात्री उशिरा 11 वाजता घडली. वास्कोचे अग्निशमन दलाचे जवान घटनास्थळी दाखल झाले आणि आग विझवण्‍यासाठी शर्थीचे प्रयत्न सुरू केले.आगीच्या घटनेमुळे परिसरातील इतर दुकानांचे नुकसान झाले की नाही याची माहिती मिळू शकली नाही.आगीत किती नुकसान झाले याचा अंदाज अद्याप आलेला नाही.शॉर्टसर्किट हे प्राथमिक कारण असण्याची शक्यता अग्निशमन विभागाने वर्तवली आहे.