सध्या गोव्यात आगी लागण्याच्या घटना वारंवार घडत आहेत. काही दिवसांपूर्वी पिळर्ण येथील गोवा औद्योगिक वसाहतीत बर्जर बेकर पेंट या खासगी कंपनीला भीषण आग लागली होती. आग विझवण्यासाठी अग्निशमन दलाला अथक प्रयत्न करावे लागले होते. (Fire In Goa)

आज शुक्रवारी मडगाव एसजीपीडीए रिटेल मार्केटमधील पहिल्या मजल्यावरील इस्टर्न सुपर मार्केटला आग लागल्याची घटना घडली आहे. अग्निशामक दलाच्या 2 गाड्या घटनास्थळी दाखल झाल्याचे प्राथमिक वृत्त हाती आले आहे.

दरम्यान या लागलेल्या आगीवर काही प्रमाणात नियंत्रण मिळवण्यात अग्निशामक दलाला यश आले असून हि आग शॉर्टसर्किटमुळे लागल्याचा अंदाज उपस्थितांकडून वर्तवण्यात येत आहे. थोड्याच वेळात सविस्तर वृत्त हाती येईल.