आंबे तोडू नको म्हटल्याने दोघांनी सोनफातर-शेल्‍डे येथे बागमालकास जबर मारहण केली. एवढेच नव्हे तर त्यांनी जीवे मारण्याची देखील धमकी दिली. याप्रकरणी केपे पोलिस स्थानकात तक्रार दाखल करण्यात आली आहे.
मिळालेल्या माहितीनुसार, सोनफातर-शेल्‍डे येथील एका व्यक्तीने याबाबत केपे पोलिस स्थानकात तक्रार दाखल केली आहे. दोन व्यक्तींनी विना परवानगी तक्रारदार यांच्या मालकीच्या क्षेत्रात प्रवेश केला. प्रवेश करताच त्यांनी आंबे तोडण्यास सुरुवात केली.
तक्रारदार व्यक्तीने त्यांना आंबे तोडण्यास विरोध केला असता, रागावलेल्या दोघांनी त्यांना मारहाण करण्यास सुरुवात केली. दोघांनी त्यांना लाथा बुक्क्यांनी मारहाण केली, असे तक्रारीत म्हटले आहे.
एवढेच नव्हे तर दोघांनी तक्रारदार व्यक्तीला छत्रींच्या दांड्याने देखील जबर मारहाण करत त्यांचा शर्ट फाडला. तसेच, शिवीगाळ करुन जीवे मारण्याची धमकी दिली, असे या तक्रारीत म्हटले आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.