कळंगुट: अन्न आणि औषध प्रशासनाच्या अधिकाऱ्यांनी कळंगुट परिसरात झाडाझडती घेतली असता एका फुड स्टॉलवर प्रतिबंधित ई-सिगारेट सापडल्या. ऐन पर्यटन हंगामात राज्यात अमली पदार्थासह राज्यात येणाऱ्या नशेच्या विविध पदार्थांवर पोलिस आणि राज्य प्रशासन लक्ष ठेवून आहे. दरम्यान, सोमवारी कळंगुट परिसरात तपासात फुड स्टॉलवर ई- सिगारेट आढळून आल्या आहेत.

काही दिवसांपूर्वी शिवोलीच्या आमदार दिलायला लोबो यांनी शिवोलीसह, कळंगुट व वागातोर परिसरात मिळणाऱ्या ई-सिगारेट आणि वेपचा तपास घेऊन कारवाईची मागणी केली होती. अनेक ठिकाणी प्रतिबंधित ई-सिगारेट मिळत असल्याचा आरोप त्यांनी केला होता. तसेच, पोलिसांनी यात लक्ष घालून कारवाई करण्याची मागणी त्यांनी केली होती.

दरम्यान, राज्यात पर्यटन हंगाम सुरु असल्याने मोठ्या संख्येने देशी - विदेशी पर्यटक गोव्यात दाखल झाले आहेत. अशात अमली पदार्थाची तस्करी, मद्य यासह विविध गैरप्रकारांवर पोलिस प्रशासन लक्ष ठेवून आहे. सोमवारी एफडीच्या अधिकाऱ्यांनी गजबजलेल्या कळंगुट - बागा भागात तपासणी केली असता फुड स्टॉलवर ई- सिगारेट सापडल्या. अधिकाऱ्यांनी सिगारेट जप्त केल्या असून, पुढील कारवाई सुरु आहे.