मडगाव: एफडीएने कदंब बसस्‍थानक, मडगाव येथे शनिवारी सकाळी तपासणी मोहीम राबविली. मोहिमेत सहभागी झालेल्‍या अधिकाऱ्यांमध्ये संज्‍योत कुडाळकर, अन्न सुरक्षा अधिकारी प्रिया देसाई, अमित मांद्रेकर, स्‍नेहा नाईक, अभिषेक नाईक यांचा समावेश होता.
शेजारील राज्‍यांतून येणाऱ्या बसमधून खाद्यपदार्थांची वाहतूक मडगाव कदंब बसस्‍थानकावर होत असल्‍याचे निदर्शनास आल्‍याने ही तपासणी केल्‍यावर मडगाव बसस्‍थानकावर कोणतेही खाद्यपदार्थ आढळून आले नाहीत. त्‍यासाठी अनेक बसेसची तपासणी करण्‍यात आली. त्‍यानंतर मिठाई आणि फरसाण उत्‍पादन युनिटची स्‍थिती पाहण्यासाठी किरभाट नुवे येथे सामान्‍य उत्‍पादन युनिटची तपासणी करण्‍यात आली आणि स्‍पॉट तपासणी अहवाल देण्‍यात आला.
नागोआ, वेर्णा येथील एका रिटेल आवारात एफबीओ विविध पुरवठादारांकडून कोणत्याही अधिकृत बिलाशिवाय खरेदी केलेले खाद्यपदार्थ पुन्‍हा पॅकिंग करताना आढळले. वेर्णा येथील ज्‍या उत्‍पादकाचे लेबल वापरताना ते आढळले, त्या उत्‍पादकाला अस्वच्छ परिस्‍थितीमुळे काम बंद करण्याचे निर्देश देण्‍यात आले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.