I-League Football Dainik Gomantak
गोवा

I-League Football: एफसी गोवाने नोंदविला पहिला विजय

द्वितीय विभाग आय-लीग: हैदराबाद एफसीवर एका गोलने निसटती मात

गोमन्तक डिजिटल टीम

एफसी गोवा डेव्हलपमेंट संघाने द्वितीय विभाग आय-लीग फुटबॉल स्पर्धेच्या ड गटात सोमवारी पहिल्या विजयाची नोंद केली. बंगळूर येथे त्यांनी हैदराबाद एफसी (राखीव) संघावर 1-0 अशी निसटती मात केली.

डेल्टन कुलासो याने सामन्याच्या 77 व्या मिनिटास केलेला गोल निर्णायक ठरला. त्याने सलग दुसऱ्या सामन्यात गोल नोंदविला. मागील लढतीत एफसी गोवाने अंबरनाथ युनायटेडला 3-3 असे गोलबरोबरीत रोखले होते.

चार सामने खेळल्यानंतर एक विजय, एक बरोबरी व दोन पराभव अशा कामगिरीसह आता एफसी गोवाचे चार गुण झाले आहेत. हैदराबादचा हा तिसरा पराभव ठरला, त्यामुळे चार लढतीनंतर त्यांचा एक गुण कायम आहे.

पाच संघांच्या गटात एआरए एफसी व धेंपो स्पोर्टस क्लबचे प्रत्येकी आठ, तर अंबरनाथ युनायटेडचे पाच गुण आहेत. एफसी गोवाचा स्पर्धेतील पुढील सामना मुंबईतील कुपरेज मैदानावर अंबरनाथ युनायटेडविरुद्ध सात एप्रिल रोजी खेळला जाईल.

चर्चिल ब्रदर्स-धेंपो क्लबची बरोबरी

दरम्यान, रिलायन्स फाऊंडेशन डेव्हलपमेंट लीग फुटबॉल स्पर्धेत 10 खेळाडूंसह खेळूनही चर्चिल ब्रदर्सने धेंपो स्पोर्टस क्लबला 2-2 असे गोलबरोबरीत रोखले. सामना माँत द गिरी मैदानावर झाला. चर्चिल ब्रदर्सच्या ॲरोन बार्रेटो याला 41 व्या मिनिटास रेड कार्ड मिळाले.

धेंपो क्लबसाठी आठव्या मिनिटास तोपोन मिंज याने पहिला गोल केला. 56 व्या मिनिटास मेव्हझेन ऑलिव्हेरा याच्या गोलमुळे चर्चिल ब्रदर्सला बरोबरी साधता आली.

85 व्या मिनिटास ॲस्मॉन व्हिएगस याच्या गोलमुळे धेंपो क्लबने पुन्हा आघाडी प्राप्त केली. मात्र 90व्या मिनिटास श्राईन क्लेमेंत याने केलेल्या गोलमुळे चर्चिल ब्रदर्सला बरोबरीचा एक गुण मिळाला.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Shadashtak Yog 2026: सूर्य-चंद्राचा अशुभ योग! 'या' 3 राशींच्या नोकरी-व्यवसायात वाढणार अडचणी; आर्थिक नियोजन कोलमडणार?

Canada Shooting: कॅनडात रक्तरंजित थरार! शॉपिंग स्टोअरबाहेर भारतीय वंशाच्या जोडप्याची हत्या; परदेशात भारतीयांवर हल्ल्यांचे सत्र सुरुच

Maharashtrian Shepu Bhaji: शेपू आवडतो की नावडतो? या भाजीच्या प्रेमात पडाल, अशी आहे चवीची भन्नाट कहाणी

Gossip Culture: गॉसिप्स अर्थात रिकामटेकड्यांच्या उचापती; गोड बोलून गुपिते काढणाऱ्यांपासून सावध राहा!

'आता उठवू सारे रान...' मुलांना मोबाईलच्या विळख्यातून बाहेर काढण्याची वेळ आली!

SCROLL FOR NEXT