देशाचे रक्षण करणार्‍या प्रत्येक सैनिकाचा मी आदर करतो, देशाची सीमा सांभाळताना आपल्या सर्वस्वाचा त्याग करणाऱ्या देशाचे सच्चे सुपुत्र असल्याची प्रतिक्रिया दाबोळीचे भाजप (BJP) उमेदवार तथा पंचायत मंत्री माविन गुदिन्हो यांनी दिली. मी कोणत्याही माजी सैनिका विरुद्ध वाईट बोललेलो नसून हा माझ्यावर केलेला बिनबुडाचा आरोप अशी माहिती गुदिन्हो यांनी दिली. दाबोळी भाजप उमेदवार तथा पंचायत (Panchayat) मंत्री माविन गुदिन्हो यांनी आपल्या मतदार संघाचा जाहीरनामा व पाच वर्षात केलेल्या विकास कामाचे विमोचन केले.

यावेळी त्यांच्यासमवेत दाबोळी भाजप गटाध्यक्ष संदीप सुद, दाबोळी (Dabolim) महिला मोर्चा अध्यक्ष अमिता थोरात, युवा मोर्चा अध्यक्ष संकल्प महाले, नगरसेवक विनोद किनळेकर, दिगंबर आमोणकर, वामन चोडणकर, चिखलीचे उपसरपंच कमला प्रसाद यादव, पंच मारी मास्कारेन्हस, कायतान झेवियर, प्रकाश गावस, मेकलीन गुदिन्हो व इतर मान्यवर उपस्थित होते. पुढे बोलताना भाजप उमेदवार गुदिन्हो म्हणाले मी संरक्षण क्षेत्रातील कोणत्याही व्यक्तीचा अपमान केलेला नसून मी नौसेना व इतर सेनादलाचा सदैव आदर केलेला आहे.

माझ्या विरोधात विरोधकांनी केलेले बिनबुडाचे आरोप असे गुदिन्हो यांनी सांगितले. गेल्या पाच वर्षात दाबोळीतील जनतेची आश्वासने पूर्ण करून दाखवलेली आहे. दाबोळी फर्स्ट हे ध्येय नजरे समोर ठेवून येणाऱ्या काळात या मतदार संघाच्या चौफेर विकास साधणार अशी माहिती माविन गुदिन्हो यांनी दिली.

यावेळी माहिती देताना गुदिन्हो म्हणाले की गोव्यातील पर्यटक टॅक्सीना मीटर बसविताना कोणताही भ्रष्टाचार केला नसून माजीमंत्री मायकल लोबो (Michael Lobo) यांनी केलेला हा माझ्यावरील आरोप एकदम चुकीचा आहे. पर्यटक टॅक्सी व्यवसायिकांची मीटर बसविताना लोबो यांनी त्यांची दिशाभूल केली आहे. भाजप मुळे नाव कमावलेल्या मायकल लोबोला योग्य जागा जनता दाखवणार असल्याची माहिती गुदिन्हो यांनी दिली. दाबोळी विमानतळावर येत्या वर्षात पार्किंगची समस्या सोडवण्यात येईल अशी माहिती शेवटी उमेदवार माविन गुदिन्हो यांनी दिली. यावेळी प्रास्ताविक गटाध्यक्ष संदीप सुद तर सूत्रसंचालन अनिता थोरात यांनी केले.