काणकोण (Canacona) : माजाळी तपासणी नाक्यावर जानेवारी पासून नोव्हेंबर या अकरा महिन्यांत वाहनासह 1 कोटी 30 लाख रूपयाचा अबकारी माल कर्नाटक (Karnatak) अबकारी खात्याने जप्त केला आहे.त्यामध्ये अवैधरित्या गोव्यातून (Goa) कर्नाटकात मद्याची वाहतूक करणारी वाहने व मद्याचा समावेश (Alcohol Smuggling) आहे. त्यांत 80 लाख रुपये किंमतीची वाहने व 50 लाख रूपये किंमतीच्या म समावेश आहे.

त्यामध्ये अवैध मद्याची वाहतूक करणाऱ्या बारा टायरांची चार वाहने,दहा टायरांचे एक वाहन व एक इन्सुलेटर या काळात जप्त करण्यात आला आहे. त्या वाहनातून 6080 लिटर परदेशी बनावटीचे मद्य व 4375 लिटर स्पिरिट जप्त केले असल्याचे अबकारी खत्याचे कर्मचारी आर.एन.नाईक यांनी माहिती देताना सांगितले. राज्याची पोळे तपासणी नाका ओलांडून ही वाहने कर्नाटकात प्रवेश करत असताना माजाळी तपासणी नाक्यावर अबकारी अधिकाऱ्यांनी ती जप्त केली.

या तपासणी नाक्यावर अवैध रित्या मद्याची वाहतूक करण्यात वापरलेली सुमारे 27 वाहने आहेत.

काहीवेळा खबऱ्या कडून माहिती मिळते मात्र चोवीस तास अबकारी पोलिस गोव्यातून कर्नाटकात प्रवेश करणाऱ्या प्रत्येक वाहनाची कसून तपासणी करतात असे तपासणी नाक्यावरील अबकारी खात्याचे कर्मचारी आर.एन.नाईक यांनी सांगितले.

प्राप्त माहितीनुसार पोळे तपासणी नाक्यावर अबकारी निरिक्षक व कर्मचारी चोवीस तास असतात.नाक्यावरील गेट चोवीस तास उघडीच असते.पूर्वी या ठिकाणी सीसीटीव्ही कॅमेरे बसवले होते मात्र नादुरुस्त होऊन अनेक वर्षे लोटली आहेत.