एमईएस कॉलेजजवळील विद्यानगर येथील रेल्वे कॉलनी परिसरात सुरू असलेल्या रस्त्याच्या दुरुस्ती-डांबरीकरण कामाच्या पायाभरणी समारंभाला माजी आमदार एलिना साल्ढाना (Alina Saldanha) उपस्थित होत्या. येथील रस्त्याची 36 लाख रुपये खर्चून दुरुस्ती आणि डांबरीकरण केले जाणार असल्याची माहिती साल्ढाणा यांनी दिली. याप्रसंगी पत्रकारांशी बोलताना त्यांनी 'आता मी कुठ्ठाळीची आमदार (MLA) नसले तरी या रस्त्याचे डांबरीकरण काम व्हावे यासाठी पुढाकार घेतला होता' असे सांगितले.

आप पक्षाने दिलेल्या तिकिटाबद्दल त्यांनी आनंद व्यक्त केला. "आम आदमी पक्ष (AAP) लोकहितासाठी काम करण्याबरोबरच उत्तम प्रकारे विकास करणारा पक्ष आहे. याची प्रचीती मी दिल्लीत पाहिली आहे,' असे त्या म्हणाल्या.

गेल्या पाच वर्षांत कुठ्ठाळी मतदारसंघात (constituency) मी केलेला विकास, लोकांच्या हितासाठी केलेली कामे जनतेने पाहिली आहेत. अनेक कामे पूर्ण झाली असून काही सुरू आहेत. आप विकास करणारा पक्ष असल्याची जाणीव मोठ्या प्रमाणात नागरिकांना झाल्याने कुठ्ठाळीच्या नागरिकांकडून मला उत्तम पाठिंबा मिळत असल्याचे साल्ढाणा यांनी सांगितले.