मडगाव: खारफुटी आणि परिसंस्थेचा नाश होत असल्याचे पुरावे देत, पर्यावरणवाद्यांनी साल नदीतील गाळ काढण्यास तीव्र विरोध केला आहे. गाळ काढणे हे अवैज्ञानिक असल्याचे त्यांनी सांगीतले. याच कारणामुळे सोमवारपासून गाळ काढण्याचे काम बंद करण्यात आले आहे. (Environmentalists strongly oppose sludge removal from Sal River in Goa)

मंगळवारी, रॉय बॅरेटो,पर्यावरणवादी (Environment) आणि पारंपारिक मच्छीमारांनी पत्रकारांसह येथील साइटला भेट दिली असता अशास्त्रीय पद्धतीने ड्रेजिंग केल्यामुळे पर्यावरणाचा नाश झाल्याचे दिसून आले. येत्या काही दिवसांत या विषयावर चर्चा करण्यासाठी इतर पर्यावरणवाद्यांसह सर्व संबंधितांची बैठक होणार आहे.

लक्षात घेण्यासारखी बाब म्हणजे, काही दिवसांपूर्वी पारंपरिक मच्छिमारांसह (Fishermen) साल नदीतील नदीतील गाळ काढण्याचे काम तात्काळ थांबवण्यासाठी संबंधितांच्या शिष्टमंडळाने कॅप्टन ऑफ पोर्ट्स (COP) आणि गोवा राज्य जैवविविधता मंडळ यांना निवेदन दिण्यात अले होते. शिष्टमंडळाने केलेल्या दाव्यानुसार, साल नदीच्या काठावर राहणारा मासेमारी समुदाय आपल्या उपजीविकेसाठी नदीवर अवलंबून आहे.

ठेकेदारावर कडक कारवाई करण्याची मागणी

बॅरेटो म्हणाले की सीओपीने सर्व संबंधित अधिकाऱ्यांसोबत बैठक बोलावली आहे, परंतु त्याआधी पर्यावरणवादी आणि पारंपारिक मच्छीमार भविष्यावर चर्चा करण्यासाठी त्यांची अंतर्गत बैठक घेतील. तसेच ठेकेदारांवर कडक कारवाई करण्याची मागणीही पारंपरिक मच्छीमारांनी केली आहे.