साखळी, झाडे लावा झाडे जगवा, अशा घोषणा देत विठ्ठलापूर साखळी भागात पर्यावरण दिनानिमित्त विठ्ठल रखुमाई सरकारी प्राथमिक शाळेच्या विद्यार्थ्यांनी काढलेल्या जागृती फेरीत अचानक मुख्यमंत्री डॉ. प्रमोद सावंत यांनी सहभगी होत विद्यार्थ्यांबरोबर शिक्षिकांनाही सुखद धक्का दिला.
या फेरीत सहभागी झालेल्या मुख्यमंत्र्यांनी झाडे लावा, झाडे जगवा असा संदेश दिला.
पर्यावरण दिनानिमित्त असल्याने विठ्ठलापूर येथील विठ्ठल रखुमाई सरकारी प्राथमिक शाळेच्या विद्यार्थ्यांनी पर्यावरण जागृती फेरी काढली होती. या फेरीत विद्यार्थ्यांसमवेत शिक्षिका कल्पना गावस व इतर शिक्षिका सहभागी झाल्या होत्या.
शाळेपासून काही अंतरावर ही फेरी आली असता, या विद्यार्थ्यांना पोलिसांची एक गाडी आपल्या बाजूला येताना दिसली. मागे मुख्यमंत्र्यांची गाडी होती. मुख्यमंत्री डॉ. प्रमोद सावंत गाडीतून उतरले व विद्यार्थ्यांबरोबर फेरीत सहभागी झाले. हा क्षण सर्वांनाच सुखद धक्का देणारा होता.
यावेळी विद्यार्थ्यांनी जोरदार घोषणा दिल्या. तसेच मुख्यमंत्री डॉ. प्रमोद सावंत यांनीही "झाडे लावा झाडे वाचवा" अशी घोषणा दिली. या घोषणेलाही विद्यार्थ्यांनी जोरदार प्रतिसाद दिला.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.