सध्या सोशल मिडियावर एक व्हिडिओ तूफान व्हायरल होत आहे. ज्यामध्ये गोव्यात एके ठिकाणी रस्त्यावर अचानक हत्ती असल्याचे दिसते. हा हत्ती नेमका कुठून आला, असा प्रश्न वाहनचालकांना पडला आहे.

रस्त्याच्या एका बाजूला असलेला हत्ती पाहून अनेकांनी वाहने थांबवत व्हिडिओ रेकॉर्ड करण्यास सुरुवात केली. अनेकजण या हत्तीकडे कुतुहलाने पाहत आहेत. अनेकांनी तर असेही म्हटले की, गणेश चतुर्थीच्या आधीच बाप्पाने दर्शन दिले.

दरम्यान, हा व्हिडिओ गोव्यातील नेमक्या कुठल्या भागातील आहे, हे अद्याप कळू शकलेले नाही. मात्र सोशल मिडियावर तो सध्या व्हायरल होत आहे.

इथे पहा हा व्हिडिओ

गोव्यातील रस्त्यांवर आणि मानवी वस्तीमध्ये जंगली प्राणी येण्याचे प्रमाण मागील काही महिन्यात वाढले आहे. या आधी अनेकदा ठिकठिकाणी बिबट्याचे दर्शन झाले.

जंगले हळूहळू नष्ट होत चालल्यानेच हे प्राणी सध्या माणसांच्या वस्तीत शिरत असल्याचे बोलले जात आहे.