कुडतरी मतदारसंघात सध्या वीज समस्या आहेत, पण त्याला विविध कारणे आहेत. मात्र मार्च २०२५ पर्यंत या मतदारसंघातील सर्व वीज समस्या पूर्णपणे सुटतील, असा विश्र्वास कुडतरीचे आमदार आलेक्स रेजिनाल्ड लॉरेन्स यांनी आज मडगावात घेतलेल्या पत्रकार परिषदेत दिली.

कुडतरी मतदारसंघात फोंडा, शेल्डे व कुंकळ्ळी या फिडरवरून वीज पुरवठा होत आहे. मात्र,इतरत्र कुठेही बिघाड झाला तर कुडतरीवर परिणाम होतो. वीज पुरवठा सुरळीत करण्यासाठी जवळ जवळ ७० ते ७२ कोटी रुपये खर्च केले जातील,असे रेजिनाल्ड यांनी सांगितले.