पणजी: गोव्यात रविवारी 8 लोकांना कोरोनाची लागण झाली आहे, तर 8 रुग्ण कोरोनामुक्त देखील झाले आहेत. दरम्यान, रविवारी राज्याचा पॉझिटिव्हीटी रेट 1.79 होता. काल राज्यात 446 कोरोना चाचण्या करण्यात आल्या होत्या. या चाचण्या शनिवारच्या तुलनेत कमी होत्या. (eight corona positive patients in Goa on Sunday)

दरम्यान 60 वर्षावरील नागरिक, मुले, आरोग्यसेवा कर्मचारी, आणि सामान्य लोकांसाठी लसीकरणाची सुविधा सुरू आहे. मागील आठवड्यापर्यंत 74,000 पैकी 57,501 बालकांना लासीचे दोन्ही डोस देण्यात आले आहेत. उर्वरीत बालकांचे लसीकरण येत्या काही दिवसात पूर्ण होईल, असे आरोग्य कर्मचाऱ्यांचे म्हणणे आहे.

गोव्यात कोरोनाचा प्रादुर्भाव कमी झाल्याने पर्यटकांची संख्या वाढताना दिसत आहे. समुद्रकिनारे, हॉटेल येथे पर्यटक दिसत आहेत. राज्यात अजूनही मास्क वापरण्याची सक्ती आहे. मात्र, अनेक ठिकाणी लोक मास्क घालण्याचे टाळत असल्याचे चित्र आहे.