Kokan Railway News: मुंबई ते मडगाव या कोकण रेल्वे मार्गावरील तीन रेल्वे गाड्यांच्या वेळेमध्ये बदल करण्यात आला आहे. कोकण किनारपट्टीक्षेत्रात झालेल्या मुसळधार पावसामुळे कोकण रेल्वेने हा निर्णय घेतला आहे. कुडाळ ते झाराप या भागात जोरदार पाऊस झाला आहे. त्यामुळे या गाड्यांचे वेळापत्रक बदलावे लागले आहे.

ट्रेन क्रमांक 01140 मडगाव ते नागपरू स्पेशल गाडी ही रेल्वे 20 जुलै रोजी सायंकाळी 7 वाजता मडगाव येथून सुटणार होती. ती तीन तास उशिराने सुटेल. म्हणजेच ही गाडी रात्री 10 वाजता सुटेल.

ट्रेन क्रमांक 20112 मडगाव ते छत्रपती शिवाजी महाराज टर्मिनस मुंबई ही कोकणकन्या एक्सप्रेस गाडी 20 जुलै रोजी 6 वाजता सुटणार होती ती देखील तीन तास विलंबाने म्हणजे रात्री 9 वाजता सुटली.

तर ट्रेन क्रमांक 11004 सावंतवाडी ते दादर तुतारी एक्सप्रेस 20 जुलै रोजी 5 वाजून 55 मिनिटांनी सुटणार होती. ही रेल्वेगाडी देखील तीन तास उशिरा म्हणजे रात्री 8 वाजून 55 मिनिटांनी सुटली.