दूधसागर नदीचे गेल्या काही दिवसांपासुन पाणी गढूळ येत असुन, आज पुन्हा असाच प्रकार घडला आहे. स्थानिकांनी यावर नाराजी व्यक्त केली आहे. या पाण्याचा वापर आम्ही पिण्यासाठी करत असुन प्रशासनाने यावर उपाय काढावा असे नागरिकांचे मत आहे. काही दिसांपुर्वी मंत्री सुभाष शिरोडकर यांनी याबाबतचा अहवाल तातडीने सादर करण्याचे आदेश दिले आहेत.

(Dudhsagar river's water once again impure)

दूधसागर नदीचे पाणी गढूळ का? याबाबतचा अहवाल कधी सादर केला जाणार आहे. याबाबत उपाय योजना कधी केल्या जाणार याबाबत अधिक माहिती समोर आलेली नाही. मात्र दुधसागर नदीचे पाणी पुन्हा गढुळ, आणि माती मिश्रित असल्याने हे जलस्त्रोत खात्याचे अपयश असल्याचे नदीक्षेत्रात राहणाऱ्या नागरिकांनी म्हटले आहे.

मंत्र्यांनी आदेश दिले, अधिकाऱ्यांना तपासणी करण्यास सांगितले आहे. यानंतर तरी हा प्रश्न सुटणार आहे का ? असा सवाल आता स्थानिक करत आहेत. गेल्या काही दिवसांपासुन हा प्रकार सुरु असुन या नदीच्या पाण्याचा वापर करणाऱ्यांना हे अपायकारक ठरल्यास याला जबाबदार कोण? असा प्रश्न आता नागरिक विचारु लागले आहेत.