Hasapur Sateri Temple Truck Accident

मोरजी: दारूच्या नशेत खडीवाहू ट्रक चालकाने दोन वीज खांबांसह संरक्षक भिंतीला धडक दिल्यानंतर ट्रक शेतात कलंडला. सुदैवाने हा चालक बचावला. पोलिसांनी ट्रक चालक अन्सर अडवून (बेळगाव) याला ताब्यात घेतले आहे.

हसापूर येथील सातेरी मंदिराजवळील मुख्य रस्त्यावर एका वीज खांबाला धडक देत ट्रक (जीए ०९ यु ४८४३) पुढे निघून गेला. त्यानंतर सिंथिया बार शेजारील एका वीज खांबाला तसेच संरक्षक भिंतीला धडक देऊन हा ट्रक बाजूस असलेल्या शेतात कलंडला.

ट्रक चालक अन्सर अडवून हा यावेळी दारूच्या नशेत होता. मोपाचे सहाय्यक उपनिरीक्षक ज्ञानेश्वर नाईक यांनी पंचनामा केला. पुढील तपास सुरू आहेत.