Drama Festival: कला (Art) आणि संस्कृती (Culture) संचालनालय, पश्चिम विभागीय सांस्कृतिक केंद्र उदयपूर आणि रवींद्र भवन मडगाव यांच्या संयुक्त विद्यमाने 4 ते 8 डिसेंबर या कालावधीत बहुभाषिक नाट्यमहोत्सवाचे आयोजन मडगाव रवींद्र भवनात करण्यात आले आहे.

महोत्सवात कोकणी, मराठी, हिंदी आणि इंग्रजी या चार भाषांतील एकांकिका आणि भारतातील विविध राज्यांतील नामवंत दिग्दर्शकांनी दिग्दर्शित केलेल्या नाटकांचा समावेश आहे.महोत्सवाचे उद्घाटन (Inauguration) शनिवार दि. 4 रोजी सायंकाळी 6:45 वाजता होणार आहे. यावळी मडगाव रवींद्र भवनाचे अध्यक्ष दामोदर नाईक, पश्चिम क्षेत्र सांस्कृतिक केंद्र उदयपूरच्या संचालक किरण सोनी गुप्ता यांची उपस्‍थिती असेल. सायंकाळी 7 वाजता कला अकादमीच्या (Academy) कोकणी स्पर्धेतील सतीश नार्वेकर दिग्दर्शित ‘मित्राची काणी’ हे प्रथम पारितोषिक विजेते नाटक ‘रुद्रेश्वर पणजी’ या संस्थेचे कलाकार सादर करतील.

दि. ५ रोजी सायंकाळी 7 वाजता अभिजित झुंजारराव दिग्दर्शित ‘गोष्टीच्या गोष्टीची गोष्‍ट’ हे मराठी नाटक सादर करतील ‘माची मोगी’ मोरजी. 6 रोजी सायंकाळी 7 वाजता तियात्र ‘चौकीदार’, ७ रोजी अंश थिएटर्स मुंबई ‘सर सर सरला’ हे हिंदी नाटक आणि 8 रोजी संध्याकाळी 7 वाजता इंटरनॅशनल असोसिएशन फॉर परफॉर्मिंग आर्ट्स अँड रिसर्च पुणेतर्फे प्रसाद वनारसे दिग्दर्शित इंग्रजी नाटक ‘फॉल अगेन फ्लाय बॅटर’ सादर करतील.

महोत्सवातील सर्व नाट्यप्रयोगांसाठी प्रवेश विनामूल्य आहे. या बहुभाषिक नाट्यमहोत्सवात सर्व नाट्य कलावंत आणि संस्थांनी सहभागी व्हावे असे आवाहन कला व संस्कृती खात्याने केले आहे.