पणजी: जून महिन्याच्या पहिल्या आठवड्यात होऊ घातलेल्या पंचायतीच्या निवडणुका या व्यक्तिगत स्वरूपाच्या असतील. कोणताच पक्ष त्यात कोणतीही भूमिका बजावणार नाही किंवा त्या पक्षाच्या चिन्हावर लढवल्या जाणार नाहीत, असे मत पंचायतमंत्री माविन गुदिन्हो यांनी आज पुन्हा एकदा स्पष्ट केले.

माविन गुदिन्हो यांनी आज पुन्हा एकदा स्पष्ट केले की, स्थानिक स्वराज्य संस्थेतील पंचायती हा विकासातील अत्यंत महत्त्वाचा प्राथमिक घटक आहे. यामध्ये पक्षीय राजकारण उतरल्यास त्याचा परिणाम विकासावर होऊ शकतो. पंचायतींचे प्रभाग अत्यंत लहान असल्याने निवडून येणारा किंवा हरणारा हा अत्यंत कमी मताने जिंकेल किंवा हरेल. त्यामुळे स्थानिक स्वराज्य संस्थांच्या प्राथमिक स्तरावर राजकारण नकोच. जिंकणारा आणि हरणारा आमचाच असेल. त्यामुळे राज्य सरकारच्या गावपातळीवरच्या विकासाच्या योजना राबवणं अत्यंत गरजेचं असल्याने या निवडणुका व्यक्तिगत स्वरूपाच्या होते.