दामोदर मावजो Dainik Gomantak
गोवा

देशात अभिव्यक्ती स्वातंत्र्याला थारा आहे का: एन. राम

‘ज्ञानपीठ’कार दामोदर मावजो यांचा नागरी सत्‍कार

दैनिक गोमन्तक

सासष्टी: देशाच्या घटनेच्या प्रस्तावनेत ज्या प्रकारचे स्वातंत्र्य नागरिकांना आवश्यक आहे, त्याचे खरोखरच पालन होते का? अभिव्यक्ती स्वातंत्र्याला देशात थारा आहे का? असे अनेक प्रश्र्न सध्याच्या परिस्थितीत उपस्थित होत आहेत. अभिव्यक्ती स्वातंत्र्यावर घाला घालण्याचे प्रयत्न चालू आहेत. तरीसुद्धा अजून आणीबीणीची परिस्थिती आलेली नाही. जेव्हा जेव्हा असे प्रयत्न केले जातात, तेव्हा त्याला प्रतिकार केला जातो. म्हणूनच अजूनही स्थिती हाताबाहेर गेलेली नाही. धोका आहे, पण सर्वांनीच दक्ष राहणे महत्वाचे आहे, असे मत ज्येष्ठ पत्रकार, विचारवंत व द हिंदू पब्लिकेशनचे संचालक एन. राम यांनी व्यक्त केले.

गोव्याचे ज्येष्ठ साहित्यिक व ‘ज्ञानपीठ’ पुरस्कार विजेते दामोदर मावजो यांचा आज मडगावात रवींद्र भवन सभागृहात नागरी सत्कार करण्यात आला. या सोहळ्यास राम हे प्रमुख पाहुणे म्हणून उपस्थित होते. यावेळी ज्येष्ठ साहित्यिक ॲड. उदय भेंब्रे, लेखक व भाषांतरकार जुझे लॉरेन्स, उच्च शिक्षण संचालक प्रसाद लोलयेकर, कोकणी भाषा मंडळाच्या अध्यक्ष अन्वेषा सिंगबाळ, साहित्यिक, कोकणीप्रेमी व मावजो यांचे हितचिंतक मोठ्या संख्येने उपस्थित होते.

‘ज्ञानपीठ’ हा एखाद्या पुस्तकाला मिळालेला पुरस्कार नाही तर तो साहित्यिकाच्या साहित्य योगदानाला मिळालेला पुरस्कार असल्याचे अॅड. उदय भेंब्रे यांनी सांगितले. पुरस्कार म्हणजे अंतिम ध्येय नसावे. ‘ज्ञानपीठ’ पुरस्काराने कोकणी माणसाचा आत्मविश्र्वास वाढविला. तो टिकवणे गरजेचे असल्याचेही ते म्हणाले.

प्रसाद लोलयेकर यांनी दामोदर मावजो यांच्या स्वभावगुणांवर प्रकाश पाडला. हा कोकणीच्या पुरोगामी, नितीमत्तेचा, सर्वसमावेशक दृष्टीचा गौरव असल्याचे ते म्हणाले. मावजो यांनी वाचकांची अभिरुची वाढवली. त्यांचे मोठेपण त्यांच्या प्रांजळ स्वभावात असल्याचे लोलयेकर म्‍हणाले.

दामोदर मावजो यांनी कोकणी भाषा इतर राज्यांमध्ये तसेच विदेशात पोहोचविल्‍याबाबत आढावा घेतला. अन्वेषा सिंगबाळ यांनी सर्वांचे स्वागत केले. समीक्षा पै धुंगट यांनी मानपत्राचे वाचन केले तर अनंत अग्नी यांनी सोहळ्याचे सूत्रसंचालन केले.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Rajat Patidar Century: 13 षटकार, 8 चौकार, 281 चा स्ट्राईक रेट! तडाखेबंद शतक ठोकून रजत पाटीदारने रचला नवा इतिहास; गोलंदाजांची उडवली झोप

मुंबईत रंगला 'गली क्रिकेट'चा थरार! प्रिन्स विल्यम आणि केट मिडलटनला क्रिकेटच्या देवाने दिले फलंदाजीचे धडे; व्हिडिओ तूफान व्हायरल

India vs Pakistan: पुन्हा एकदा रंगणार भारत-पाक महामुकाबला! हिसाब चुकता करण्यास टीम इंडिया सज्ज; हाय-व्होल्टेज लढतीकडे क्रिकेटप्रेमींचं लक्ष

Goa Politics: मांद्रेत आरोलकरांना मुख्यमंत्र्यांकडून बळ, विकासकामांचं केलं तोंडभरुन कौतुक; 2027 मध्ये जीत पुन्हा विक्रमी मतांनी निवडून येतील

VIDEO: पाकड्यांनी पुन्हा कॉपी केला भारतीय शो! समय रैनाच्या 'इंडियाज गॉट लेटेंट'नंतर आता 'पाकिस्तान गॉट लेटेंट'ची चर्चा; राखी सावंतच्या एन्ट्रीनं वेधलं लक्ष

SCROLL FOR NEXT