Rice Harvest : काणकोण, काणकोणच्या काही भागात मंगळवारी एक तास गडगडाटासह मुसळधार पाऊस झाल्याने भातशेती आडवी झाली. काही ठिकाणी भात कापणी चालू असताना अडथळा आला. मंगळवारी

काणकोणच्या काही भागात आज दुपारी पावणे तीन ते पावणे चार वाजेपर्यंत एक तास गडगडाटासह मुसळधार पाऊस झाला.

गावडोंगरी, खोतीगाव व अंतर्गत भागात सकाळी बारा वाजल्यापासून गडगडाटासह पाऊस पडला. त्याचा परिणाम कापणीस तयार झालेल्या भात पिकावर झाला. काही ठिकाणी उभी भातपिके आडवी झाली.

कोळंब-काणकोण येथे माडावर व वेलवाडा पैंगीण येथे पोफळीच्या झाडावर वीज पडल्याने नुकसान झाले. हा अवकाळी पाऊस मिरची पीक व बागायती पिकांना पोषक ठरणार आहे.

मात्र या अकस्मात आलेल्या पावसामुळे सकाळपासून हवेत उष्मा वाढून हैराण झालेल्या रहिवाशांना काही प्रमाणात दिलासा मिळाला. या पावसामुळे काणकोणच्या किनारी भागातील पर्यटकांना त्रास झाला.