गोवा काँग्रेसने आठ बंडोखोर आमदारांच्याविरोधात एक याचिका यापुर्वीच दाखल केलेली आहे. या याचिकाद्वारे गोवा काँग्रेसने बंडखोर आमदारांच्या अपात्रतेसाठी दाद मागितली आहे. यापुढे जात गोवा काँग्रेसने आता बंडखोर 8 आमदारांच्या गट विलीनीकरणविरोधात सभापतींकडे तक्रार केली आहे.

(Disqualification petitions filed against 8 Congress MLAs who joined the BJP)

मिळालेल्या माहिती नुसार गोवा काँग्रेसचे माजी अध्यक्ष गिरीश चोडणकर यांनी आज राजधानीत पत्रकार परिषद घेतली आहे. यावेळी त्यांनी आठ बंडखोर आमदारांचा गट भाजपमध्ये विलीनकरण्याला आव्हान देत गोवा विधानसभा सभापतींकडे तक्रार दाखल केली आहे. अशी माहिती दिली आहे. त्यामुळे गोवा विधानसभा सभापती रमेश तवडकर या तक्रारीवर काय निर्णय देणार याकडे सर्वांचे लक्ष असणार आहे.

आरोप प्रत्यारोपाच्या फैरी झडण्याची शक्यता

गोवा काँग्रेसने घेतलेल्या या निर्णयानुसार बंडखोर आमदारांच्या भाजपमधील प्रवेशावरुन पुन्हा आरोप प्रत्यारोपाच्या फैरी झडण्याची शक्यता निर्माण झाली आहे. कारण आज डॉमनिक नोरोन्हा तसेच गिरीश चोडणकर यांनी वेगवेगळ्या अशा दोन तक्रार दाखल केल्या आहे. त्यामुळे बंडखोर आमदारांच्या भाजप प्रवेशावरुन सभागृहात ही आरोप - प्रत्यारोपाच्या फैरी झडण्याची शक्यता निर्माण झाली आहे.