फोंडा: शुक्रवारी रात्री फोंडा तालुक्यातील उसगाव येथील काही दुकानांवर वजन-माप खात्यातर्फे कारवाई करण्यात आली. उसगावातील काही दुकानदार, भाजी विक्रेते व दारूच्या दुकानांमध्ये धडक कारवाई करण्यात आली. या कारवाईत सुमारे विविध प्रकारच्या 80 दुकानांचा समावेश आहे. (Direct action of the weight-measurement department in Ponda)

तिस्क-उसगाव येथील अनेक दुकानदारांनी वार्षिक परवान्याचे नूतनीकरण केले नसल्याचे निदर्शनास आल्यानंतर ही कारवाई करण्यात आली. वजन-माप खात्याचे अधिकारी शुबर्ट डिकॉस्ता, प्रसाद शिरोडकर व इतर सहकाऱ्यांनी ही कारवाई केली. यावेळी 23 इलेक्ट्रॉनिक तथा मॅकेनिकल दुकाने सील करण्यात आली. फोंडा (Ponda) येथील वजन-माप खात्याकडून या सर्व दुकानदारांना कारणे दाखवा नोटीस बजावण्यात येणार असून सुमारे 75 हजार रुपयांचा दंड भरावा लागणार आहे.