Fuel Leak In Goa: व्हडलेभाट, चिखली-दाबोळी परिसरातील लोकांना गेल्या 16 दिवसांपासून इंधनगळतीने ग्रासले आहे. झुआरी इंडियन ऑईल कंपनीच्या भूमिगत इंधनवाहिनीतून ही गळती झाली. त्‍यामुळे त्‍या भागातील विहिरी, नाले व शेतजमीन पूर्णपणे प्रदूषित झाली आहे.
त्‍यातच कंपनीसह मुरगाव तालुका आपत्कालीन व्यवस्थापन समितीचे प्रमुख तथा उपजिल्हाधिकारी भगवंत करमली यांनी ग्रामस्‍थांची बाजू समजून घेतली नाही. त्‍याचा निषेध म्‍हणून चिखलीच्या पंचसदस्‍य नीलम नाईक यांच्या नेतृत्‍वाखाली ग्रामस्थांनी आज बुधवारी माटवे-चिखली येथे सरकारविरोधात धरणे आंदोलन छेडले.
‘पद्मभूषण’ मनोहर पर्रीकर यांच्या जयंतीदिनी हे आंदोलन शांततेत पार पाडले. कंपनीचे अधिकारी व मुरगाव आपत्कालीन व्यवस्थापन समितीचे प्रमुख तथा उपजिल्हाधिकारी भगवंत करमली यांनी व्हडलेभाट ग्रामस्‍थांना खालच्‍या दर्जाची वागणूक दिली, असा आरोप पंच नीलम नाईक यांनी केला. जनतेवर अन्याय झाल्‍याने आंदोलन करणे भाग पडले, असेही त्‍या म्‍हणाल्‍या.
झुआरी इंडियन ऑईल कंपनीच्या हलगर्जीपणामुळे आज व्हडलेभाट परिसरातील नागरिकांना प्रदूषित वातावरणात वास्तव्य करावे लागत आहे. यास कंपनीसह मुरगाव आपत्कालीन व्यवस्थापन समितीचे अधिकारी जबाबदार आहेत.- नीलम नाईक, पंचसदस्‍य (चिखली)
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.