आमोणे : भगतवाडा येथील श्री महालक्ष्मी रवळनाथ मंदिरापुढील चार रस्त्याच्या मध्यभागी एक विजेचा खांब ज्यावरून मुख्य विजेचा प्रवाह चालू आहे तो बराच वाकलेला आहे. तेथील चार रस्त्यावरून नियमित वाहनांची तसेच लोकांची ये जा चालू असते. या जंक्शनवर बसथांबाही आहे.

त्‍यामुळे अशा ठिकाणी हा वाकलेला खांब फारच धोकादायक आहे. मात्र, तो बदलावा यासाठी अजून कुणाकडूनही प्रयत्न होत नाहीत. आता तो तेथून हटवून तेथे दुसरा खांब उभारावा, अशी मागणी ग्रामस्थांकडून होत आहे. हा खांब जर तातडीने बदलला नाही, तर मोठा अनर्थ घडण्याची शक्यता आहे.