सासष्टी: फेस्तासाठीची फेरी नावेली येथील परपेच्युअल सुकोर कॉन्व्हेंट हायस्कूलच्या अगदी जवळ भरली जाते. त्यामुळे या फेस्त फेरीचा परीक्षेच्या वेळी विद्यार्थ्यांवर परिणाम होण्याची शक्यता असल्याने हायस्कूलच्या पालक-शिक्षक संघाने दक्षिण गोवा जिल्हाधिकाऱ्यांना पत्र लिहून या फेस्त फेरीवर स्थगिती आदेश जारी करण्याची मागणी केली आहे.

(Demand for order of postponement of fest round )

पालक-शिक्षक संघाने नावेली पंचायतीलाही पत्र लिहून फेस्त फेरीसंदर्भात निर्णय घेण्यास सांगितले आहे.

नावेली येथील अवर लेडी ऑफ रोझरी चर्चचे फेस्त 16 नोव्हेंबर रोजी साजरे करण्यात येणार आहे. दहावीच्या परीक्षा गुरुवार, 10 रोजीपासून सुरू होऊन 26 रोजी संपणार आहेत.

नावेलीचे सरपंच पॉल परेरा यांनी या संदर्भात चर्चा करण्यासाठी पंचायतीची तातडीची बैठक बोलावण्यात आली आहे. परीक्षेच्या वेळी विद्यार्थ्यांना त्रास होऊ नये असे आमचेही मत असल्याचे सांगितले.

पत्रातून केले स्पष्ट...

फेस्त 16 तारखेला असले तरी फेस्त फेरी कमीत कमी आठ ते दहा दिवस असते. त्यामुळे विद्यार्थ्यांची एकाग्रता भंग होऊ शकते. फेस्त फेरीसाठी ही जागा बदलून दुसरी शाळेपासून दूर जागा शोधावी, असे या शाळेच्या पालक-शिक्षक संघाने जिल्हाधिकाऱ्यांना लिहिलेल्या पत्रात स्पष्ट केले आहे.