राज्यातील विधानसभा निवडणूक निकालानंतर आरोप प्रत्यारोप कमी होताना दिसत आहेत. राज्यात अनेक पक्षांनी 2010 पासून सत्तेवर असणाऱ्या भाजपला सत्तेवरून पायउतार करण्यासाठी कंबर कसली होती. मात्र भाजपने 2017 पेक्षा यावेळी जास्त जागा मिळवल्या आणि निकालावेळीच 3 अपक्ष उमेदवारांनी आपला पाठिंबा भजपला दिला. त्यामुळे भाजपला बहुमताचा आकडा पार करता आला.

दरम्यान, इतर पक्षांनी आणि नेत्यांनी जनेतेचा निर्णय मान्य केला आहे. दरम्यान गोवा फॉरवर्डचे सर्वेसर्वा विजय सरदेसाई (Vijay Sardesai) म्हणतात की, दुसर्‍याकडे बोट दाखवण्याऐवजी एकजूटीनंतर अपयश का आले यावर विचार होणे गरजेचे आहे. फातोर्डावासीयांकडून (Fatorda) अनेक सूचना येत आहेत. लोकांना विश्वासात घेऊन मतदारसंघाच्या व गोव्याच्या भल्याचा निर्णय घेण्यात येईल. त्यामुळे आता ते काय निर्णय घेणार याकडे सर्वांचे लक्ष लागले आहे.

दरम्यान, यावेळी विधानसभा निवडणुकीत (Assembly Election) गोवा फॉरवर्डला फक्त एक जागा मिळाली आहे. गेल्या निवडणुकीत गोवा फॉरवर्डने 3 जागा मिळवल्या होत्या. यावेळी फक्त एकच जागा मिळल्याने पुढील निर्णय हा लोकांना विश्वासात घेऊन मतदारसंघाच्या व गोव्याच्या भल्याचा घेण्यात येईल अस मत यावेळी विजय सरदेसाई यांनी व्यक्त केले आहे.

दरम्यान, विधानसभा निवडणुकीमध्ये युती केलेल्या काँग्रेस आणि गोवा फॉरवर्डमध्‍ये (Goa Forward) आता चकमक उडायला सुरू झाली आहे. या दोन्‍ही पक्षांचे कार्यकर्ते आक्रमक झाले असून, एकमेकांवर आरोप-प्रत्‍यारोप करू लागले आहेत. काँग्रेसचे (Congress) उत्तर गोवा जिल्हा अध्यक्ष विजय भिके यांनी गोवा फॉरवर्डबरोबरच्‍या युतीमुळे पक्षाला नुकसान झाल्याचा आरोप केला होता. त्‍यास प्रत्‍युत्तर देताना आज गोवा फॉरवर्डचे दीपक कळंगुटकर आणि संतोषकुमार सावंत यांनी भिके यांच्‍या वक्तव्‍याचा जाहीर निषेध करत युतीचा धर्म पाळण्याचा सल्ला दिला.