Hit and Run Accident News: राज्यात अपघातांची मालिका काही केल्या थांबण्याचे नाव घेत नाही. यामध्ये अनेक 'हिट अँड रन'च्या घटनाही वाढल्या आहेत. नुकतेच चिंबलमध्ये झालेल्या हिट अँड रनच्या घटनेतील आरोपीला पोलिसांनी ताब्यात घेतले आहे.

चिंबल येथे रविवारी रात्री एका रिक्षाची धडक एका दुचाकीला बसली. यामध्ये दुचाकीस्वार अजय कांबळे (वय 30, चिंबल) हे जबर जखमी झाले होते. धडक दिल्यानंतर चालक व्यंकटेश जाधव (29, सांताक्रुझ) याने घटनास्थळावरून पळ काढला.

जखमी अजय कांबळे यांचा उपचारादरम्यान दुर्दैवी मृत्यू झाला. याप्रकरणी ओल्ड गोवा पोलिसांनी व्यंकटेश जाधवला ताब्यात घेतले आहे.

दरम्यान, सांगे येथे रविवारी दुपारी कार अपघातात एक दांपत्य बचावले. या स्वयंअपघातात कारचे नुकसान झाले. एका कारमधून फोंडा येथील दांपत्य प्रवास करीत होते. त्यांची कार दांडो, सांगे येथे दिवाणी न्यायालयाजवळ आली असता स्लीप झाली. कारवरील चालकाचे नियंत्रण सुटल्याने तिने विजेच्या खांबाला धडक दिली. या स्वयंअपघातात सुदैवाने कोणीही जखमी झाले नाही.