फोंडा: तिस्क - फोंडा येथे पार्क केलेल्या एका कारगाडीला दुचाकीने ठोकर देऊन नुकसान केल्याबद्दलची तक्रार फोंडा पोलिस स्थानकात करण्यात आली आहे. फोंड्यातील शिमगोत्सव काळात जागा मिळेल तेथे बेशिस्तीने वाहने पार्क करून इतरांना त्रासदायक ठरणारे वर्तन करण्याचे प्रकार फोंड्यात गेल्या शनिवारी 19 रोजी घडले असून विशेषतः दुचाकी चालकांच्या चुकीचा आणि बेशिस्तीचा फटका कारगाडीचालकांना बसला आहे.

तिस्क - फोंडा येथील हा प्रकारही तसाच असून यासंबंधीची तक्रार कारमालक किशोर बोरकर यांनी फोंडा पोलिसांत केली आहे. किशोर बोरकर यांनी फोंडा पोलिसांत तक्रार देताना आपल्या जीए 03 एच 2684 या क्रमांकाच्या कारगाडीला पार्क केलेल्या ठिकाणी एका दुचाकीने ठोकर दिली आणि दरवाजाचे नुकसान केले असल्याचे म्हटले आहे. दोन दुचाक्यांमुळे हा प्रकार घडला आहे.