खांडेपार नदीत बांधण्यात येणाऱ्या मुर्डी-सोनारबाग बंधाऱ्याच्या कामाला राहिवाशांचा विरोध असतानाही सरकारने पोलिस बंदोबस्तात शुक्रवारी कामाला सुरुवात केली. या भागात १४४ कलम लावल्याने स्थानिकांनी मात्र तीव्र संताप व्यक्त केला. या बंधाऱ्याच्या कामाला आम्ही सतत विरोध करीत आहोत.

भाजप सरकारने आमचा विरोध डावलून प्रकल्पाच्या कामाला सुरवात केली असली तरी आमचा या कामाला विरोध असेल, असे पंचसदस्य अभिजीत गावडे यांनी सांगितले.

यासंदर्भात, जलस्त्रोत खात्याचे अधिकारी शैलेश नाईक म्हणाले की, 88 कोटी रुपयांच्या या प्रकल्पात 12 मीटर उंचीचे पाच खांब असतील आणि बंधाऱ्याचे काम मुर्डी येथून सुरू होईल आणि त्याला दोन वर्षांचा कालावधी लागेल. सर्व जनसुनावणी आणि औपचारिकता पूर्ण झाल्याने आजपासून कामाला सुरुवात केलेली आहे.

दुसरीकडे, स्थानिकांना विचारले असता ते म्हणाले, की त्यांना या प्रकरणावरून आणि पीडब्ल्यूडीच्या काळात अंधारात ठेवले जाते. सुनावणी अधिकारी लोकांना फायदे आणि तोटा समजावून सांगण्यात अयशस्वी झाले आहेत.

पंचसदस्य अभिजीत गावडे म्हणाले की, मुर्डी खांडेपार पंचायतीने प्रकल्पाविरोधात आधीच ठराव मंजूर केला होता आणि प्रकल्पाची ‘एनओसी’ ही रद्द केली होती.स्थानिकांच्या म्हणण्यानुसार सुमारे 80 घरे पूर आणि बंधाऱ्यामुळे बाधित झाल्यास आणखी ग्रामस्थांचे नुकसान होणार आहे. पूरस्थिती हे प्रमुख कारण असून स्थानिकांचा बंधाऱ्याला विरोध कायम आहे. स्थानिकांच्या म्हणण्यानुसार, पूर आणि बंधाऱ्यामुळे जवळपास 80 घरे बाधित झाली असून ग्रामस्थांना त्रास होईल.

कार्यक्रमात व्यत्यय; जबाबदार कोण ?

या भागात कलम 144 लावल्याने मुक्तपणे जगण्याच्या आणि धार्मिक कार्यक्रम साजरे करण्यावर बंधने आली आहेत. हिंदूंचा पवित्र श्रावण महिना सुरू झाला असून लोक मंदिरात पूजा करण्यासाठी एकत्र जात असतात.

कलम 144 लावल्याने त्यांना कार्यक्रमात व्यत्यय निर्माण होत आहे. पुढील महिन्यात गणेशोत्सव असून हे कलम त्वरित हटवावे, अशी मागणी स्थानिकांनी केली आहे.

काय म्हणतेय प्रशासन

पिण्याच्या पाण्याची कमतरता भासू नये म्हणून खांडेपार नदीच्या पात्रात सोनारबाग ते मुर्डीपर्यंत अत्याधुनिक तंत्रज्ञान वापरुन हा बंधारा बांधण्यात येत आहे. या प्रकल्पामुळे प्रियोळ मतदार संघ तसेच आजूबाजूच्या भागातील पाणी टंचाईची समस्या कमी होण्यास मोठी मदत होणार, असे प्रशासनाने म्हटले आहे.