वास्को: दाबोळीचा विकास स्थानिक आमदारांनी फक्त कागदावरच केला असून, त्यांनी विकासाच्या नावाने प्रसिद्धी तेवढीच घेतल्याची प्रतिक्रिया मुरगावच्या (Murmugoa) माजी नगराध्यक्षा तथा समाजसेविका श्रीमती तारा केरकर यांनी दिली.

दाबोळीचा (Dabolim) विकास हा जनतेचा चांगल्या कार्यासाठी होणे गरजेचे होते. मात्र स्थानिक लोकप्रतिनिधी ने गेल्या दहा वर्षात जनतेच्या डोळ्यात धूळफेक केल्याची माहिती केरकर यांनी दिली. दाबोळी मतदारसंघातून मंगळवार (दि.२५) श्रीमती तारा केरकर यांनी अपक्ष उमेदवारी निर्वाचन अधिकारी शर्मिला गावकर यांच्याकडे सादर केला. मंगळवारी मुरगाव तालुक्यातून दाबोळीतून एकमेव उमेदवारी अर्ज तारा केरकर यांनी सादर केला. यावेळी बोलताना तारा केरकर म्हणाल्या की दाबोळी विकास कामापासून खूपच मागे राहिला आहे.

दाबोळीत स्थानिक लोकप्रतिनिधी स्वतःचा तेवढाच विकास साधला असल्याची असल्याचा आरोप तारा केरकर यांनी केला. दाबोळीच्या विकासाला सर्वप्रथम प्राधान्य देणार असून या संपूर्ण दाभोळीत 'भू' गटार वाहिनी जोडून मोठा प्रकल्प उभारण्यासाठी प्रयत्न करणार आहे. युवकांना या मतदार संघात किमान दोन मैदानी बांधून देणार. महिलांना स्वावलंबी होण्यासाठी विविध उपक्रम राबवणार असल्याची माहिती शेवटी तारा केरकर यांनी दिली.

दरम्यान मुरगाव तालुक्यातील चारही मतदारसंघातील दाबोळी मतदार संघातून आज एक उमेदवारी अर्ज दाखल करण्यात आला.मुरगाव तालुक्यात तीन दिवसांत एकूण चार उमेदवारी अर्ज दाखल करण्यात आले आहे.