दाबोळी विमानतळाशेजारील कचरा विलगीकरण केंद्राला आग लागल्याची माहिती समोर आली आहे. या घटनेत तीनजण जखमी झाले असून, त्यांना प्रथमोपचार देण्यात आले आहेत.

घटनास्थळी वास्को अग्निशमन दालाचे जवान दाखल झाले असून, आगीवर नियंत्रण मिळवण्यात आले आहे.

मिळालेल्या माहितीनुसार, दाबोळी विमानतळाशेजारील कचरा विलगीकरण केंद्राला सकाळी साडे दहाच्या सुमारास अचानक आग लागली. घटनेची माहिती मिळताच वास्को अग्निशमन दलाचा बंब घटनास्थळी दाखल झाला, व अग्निशमन दलाच्या जवानांनी आगीवर नियंत्रण मिळवले आहे.

आगीचे कारण अद्याप समजू शकले नाही. पण, मशीनमध्ये ठिणगी पडल्याने स्फोट झाला व त्यानंतर आगीने पेट घेतला असा अंदाज व्यक्त केला जात आहे. दरम्यान, या घटनेत तीनजण किरकोळ जखमी झाले आहेत. आगीमुळे धुराचे लोळ आसपासच्या परिसरात पसरले होते.