सासष्टी: सासष्टी तालुक्यातील किनारपट्टी भागातील पंचयतींनी समुद्र किनाऱ्यावर फेरीवाले, छायाचित्रकार आणि टॅटू कलाकारांच्या बेकायदेशीर कामांची माहिती देऊन त्यांच्यावर कारवाई करण्याची मागणी पर्यटन खात्याकडे केली होती. या तक्रारीवरून पर्यटन खात्याचे साहाय्यक संचालक रॉडलिन मस्करेन्हास यांनी कोलवा पोलिस ठाण्यात निवेदन सादर करून या बेकायदेशीर कृत्यांवर कारवाई करण्यासाठी पोलिस तैनात करण्याची मागणी केली आहे.

कोलवा, गंडावली, वानेली, सेर्नाभाटी समुद्रकिनाऱ्यावर फेरीवाल्यांद्वारे बेकायदेशीर कृत्ये करण्यात येत असल्यामुळे सर्व समुद्रकिनाऱ्यावर आयआरबी पोलिस कर्मचारी तैनात करावे, अशी मागणी पंचायतीकडून करण्यात आली होती. दक्षिण गोव्यातील समुद्रकिनाऱ्यावर होणाऱ्या बेकायदेशीर कृत्यांवर कडक नजर ठेवणे आवश्यक आहे, असे मास्कारेन्हास यांनी निवेदनात स्पष्ट आहे.

पोलिसांची कमतरता असल्याचे स्पष्टीकरण!

पर्यटन हंगाम सुरू झाल्यापासून समुद्र किनाऱ्यावर बेकायदेशीर कृत्ये वाढली आहेत. समुद्रकिनाऱ्यावर अनेक फेरीवाले दिसतात. याशिवाय, आता अनेक छायाचित्रकार आणि टॅटू कलाकार देखील पाहू शकतो जे समुद्रकिनाऱ्यावर फिरत आहेत आणि पर्यटकांना त्रास देत आहेत. यासंबंधी पोलिसांना याची माहिती देण्यात आली होती. परंतु, पोलीस गस्त घालण्यासाठी पोलिसांची कमतरता भासत असल्याचे पोलिसांकडून स्पष्टीकरण मिळत आहे, पंच सदस्य अँथनी फर्नांडिस यांनी सांगितले.