सिमेंट पावडरची वाहतूक करणारा कंटेनर करमल घाटातील खोल दरीत कोसळला आहे. रविवारी पहाटे ही घटना घडली आहे. करमल घाटात गेल्या वर्षभरात आठ अवजड वाहनांना अपघात झाले आहेत.

(Container Carrying cement Fall in Karmal Ghat)

मिळालेल्या माहितीनुसार, कर्नाटकातून सिमेंट पावडरची गोव्यात वाहतूक करणारा कंटेनर करमल घाटात रविवारी पहाटे कोसळला. करमल घाटातील तीव्र वळणावर हा केए 52 बी 3309 लोखंडी बॅरिकेड्स तोडून खोल दरीत कोसळला. या पूर्वी गेल्या वर्षभरात आठ अवजड वाहनांना अपघात झाला आहे. याच वळणावरील सुमारे सव्वीस सागवानी वृक्षांची कत्तल अज्ञातांनी केली होती. त्यामुळे या ठिकाणी तीव्र वळण कापून रस्ता रुंदीकरण करण्याचा मार्ग मोकळा झाला होता. या ठिकाणी रस्ता रुंदीकरण करतानाच संरक्षक भिंत उभारण्याची गरज व्यक्त केली जात आहे.