सनबर्न फेस्टिवलचे गोव्यात होणारे आयोजन फक्त ड्रग्ज सेवन करण्यासाठीच असते. त्यामुळे हा संगीत महोत्सव आयोजित करण्यासाठीं कुठलीही परवानगी या आयोजकांना देण्यात येऊ नये, अशा मागणीचे निवेदन आज काँग्रेस नेते जना भंडारी यांनी मुख्य सचिवांना दिले.

भंडारी हे प्रदेश काँग्रेसचे माजी सरचिटणीस असून त्यांनी आज दक्षिण गोव्याचे जिल्हाधिकारी आश्विन चंद्रू आणि उत्तर गोवा जिल्हाधिकारी स्नेहा गीते यांची भेट घेऊन त्यांना निवेदन दिले.

दरवर्षी वागतोर येथे होणारा हा संगीत महोत्सव यंदा दक्षिण गोव्यात आयोजित करण्यात येणार असल्याची घोषणा आयोजकांनी केली होती. मात्र, त्यामुळे दक्षिण गोव्यातही ड्रग्ज संस्कृती फोफावेल ,असा दावा करून या महोत्सवावर बंदी आणा, अशी मागणी होत आहे.