Panaji Smart City पणजी स्मार्ट सिटी डेव्हलपमेंट लिमिटेड, गोवा अर्बन डेव्हलपमेंट तसेच रस्ते आणि मलनिस्सारण विभाग अधिकाऱ्यांसमवेत आज मुख्यमंत्री प्रमोद सावंत यांची बैठक झाली. या बैठकीत विविध विषयांवर आढावा घेण्यात आला. प्रामुख्याने पणजीतील स्मार्ट सिटीच्या कामांना गती प्राप्त व्हावी आणि कामे वेळेवर पूर्ण व्हावीत या दृष्टीने चर्चा झाली.

मागील काही दिवसांत स्मार्ट सिटीच्या अंतर्गत रस्त्यांची कामे सुरु असून रस्ते खोदाईमुळे नागरिक त्रस्त आहेत. तसेच खोदकामांमुळे ट्रक कलंडल्याच्या घटनाही घडल्या होत्या. एकंदरीत या सर्व त्रासापासून नागरिकांना दिलासा मिळावा यासाठी कामे वेळेवर पूर्ण होणे गरजेचे आहे.

तसे आदेशही अधिकाऱ्यांना देण्यात आले आहेत. त्याच प्रमाणे एजन्सींनी राजधानी पणजी शहरातील सीवरेज नेटवर्क, युनिव्हर्सल वॉकवे, स्मार्ट रोड आणि कल्व्हर्ट/ पुलांच्या अपग्रेडेशनची कामे हाती घेतली आहेत.

हि कामे देखील लवकरात लवकर पूर्ण होण्याच्या दृष्टीने अधिकाऱ्यांना सूचना देण्यात आल्या आहेत.