फातोर्डा: कुंकळ्ळी येथील औद्योगिक वसाहतीत वीजवहिनीच्या (electric shock) स्पर्शाने प्रदीप कुमार या युवकाचा मृत्यू झाल्याची तक्रार कुंकळ्ळी पोलिस स्थानकात नोंद करण्यात आलेली आहे. हे प्रकरण 25 डिसेंबर रोजी सायंकाळी 4.30 वाजता औद्योगिक वसाहतीत घडले होते. यावेळी उपस्थित मयत प्रदीप कुमार याच्या सहकाऱ्यांनी दिलेल्या माहितीनुसार, मयत प्रदीप हा एका लोखंडी तारेवर आपले कपडे वाळत घालत असताना त्याचा स्पर्श वीजवाहिनींना झाला. त्यानंतर त्याचा वीजवाहिन्यांना स्पर्श झाल्याने तो यात बेशुद्ध पडला.

त्याला फातोर्डा (Fatorda) येथील खासगी इस्पितळात दाखल केले असता तो मृत झाल्याची माहिती डॉक्टरांनी दिली. त्याचा मृतदेह मडगाव जिल्हा इस्पितळाच्या (Margao Hospital) शवागरात ठेवण्यात आला असून, उत्तरीय तपासणीनंतर तो नातेवाईकांच्या स्वाधीन करण्यात येणार आहे. या प्रकरणाचा पुढील तपास केपेचे पोलिस करीत आहेत.