Colvale Jail: कैद्यांमधील भांडण, वारंवार मोबाईल फोन आणि इतर वस्तू कैद्यांकडे आढळून येत असल्याने सतत चर्चेत असलेले कोलवाळ कारागृह आता पुन्हा चर्चेत आले आहे. यावेळी येथील एका सुरक्षारक्षकाकडेच चक्क गांजा आढळून आला आहे.

विशेष म्हणजे, हा सुरक्षारक्षक कैद्यांना गांजा पुरवत असल्याचा संशय आहे. त्याच्या बुटाच्या सोलमध्ये गांजा सापडला आहे. सुरक्षा यंत्रणेतील व्यक्तीच गांजाची तस्करी करत असल्यावरून सुरक्षा यंत्रणेची लक्तरेच जणू वेशीवर टांगली गेली आहेत.

या प्रकारामुळे कारागृहाच्या एकूणच सुरक्षाव्यवस्थेवर प्रश्नचिन्ह निर्माण झाले आहेत. हा सुरक्षा रक्षक आयआरपी पोलिस कर्मचारी आहे. हा गांजा तुरूंगातील कैद्यासाठी आणण्यात आल्याचे समोर येत आहे.