Dabolim Tanker Accident: दाबोळी येथे रसायन वाहून नेणाऱ्या दोन टँकरची धडक झाली आहे. या टँकरमधून फॉस्फरिक अॅसिड वाहून नेण्यात येत होते.

सुदैवाने या अपघातात जीवीतहानी झालेली नाही. तथापि, रसायन वाहून नेणारे टँकर असल्याने याबाबत भीती व्यक्त केली जात होती.

राँग साईडने आलेल्या दुचाकीस्वारांना वाचविण्यासाठी पहिल्या टँकरने अचानक ब्रेक दाबला. त्यामुळे पाठीमागून येत असलेला टँकर पहिल्या टँकवर आदळला.

मुरगाव पोर्टमधून फॉस्फरिक अॅसिड घेऊन हे टँकर प्रदीप फॉस्फेट्स लिमिटेड (झुआरी अॅग्रो केमिकल्स लिमिटेड) येथे निघाले होते. त्यावेळी दाबोळी जवळील वेल्स औद्योगिक वसाहत येथील जंक्शन जवळ हा अपघात झाला.

समोरून एका दुचाकीवरून तिघे जण येत होते. ते विरूद्ध दिशेने येत होते. त्यांना वाचविण्यासाठी टँकरचालकाने अचानक ब्रेक मारला. त्यामुळे पाठीमागून आलेला टँकर समोरच्या टँकरवर आदळला.