पणजी: धर्मांतर आणि देशविरोधी कारवायांमुळे वादग्रस्त ठरलेली आणि काही राज्यांत बंदी घालण्यात आलेली ‘पॉप्युलर फ्रंट ऑफ इंडिया’ या संघटनेवर गोव्यात बंदी घालण्यासाठी केंद्र सरकारकडे शिफारस करणार असल्याची माहिती मुख्यमंत्री प्रमोद सावंत यांनी दिली.

पॉप्युलर फ्रंटवर ऑफ इंडिया ही संघटना गोव्यात अलीकडेच अधिक चर्चेला आली आहे. या संघटनेवर बंदी घालण्याच्या मागण्या हिंदुत्ववादी संघटनांकडून सातत्याने होत आहेत. मुख्यमंत्र्यांनी या संघटनेवर बंदी घालण्यासाठी प्रक्रिया सुरू केली जाणार असल्याचे म्हटले आहे. केंद्र सरकारकडे तशी शिफारस केली जाणार असल्याचे त्यांनी म्हटले आहे. चार दिवसांपूर्वीच पॉप्युलर फ्रंटने मुख्यमंत्री सावंत यांच्यावर टीका केली होती.