गोवा सरकारने राज्यातील गुन्हेगारी मोडीत काढण्यासाठी कंबर कसली असून, गुन्हेगारीला आळा घालण्यासाठी गोमंतकीयांना आता घरबसल्या तक्रार दाखल करता येणार आहे. अशी माहिती आज मुख्यमंत्री प्रमोद सावंत यांनी दिली आहे.

(CM Pramod Sawant informed that the Goa Police will accept complaints through online by Mobile Application)

राज्यातील गुन्हेगारीला आळा घालण्यासाठी गोवा सरकार पोलीस समर्पित एक मोबाइल अॅप्लिकेशन लॉन्च करणार आहे. त्याच्यावरुन घरबसल्या तक्रार दाखल करता येणार आहे. आमदार केदार नाईक आणि पोलीस महासंचालक जसपाल सिंग यांच्या उपस्थितीत आज पणजी येथील पोलीस चौकीच्या उद्घाटनप्रसंगी मुख्यमंत्री बोलत होते. यावेळी त्यांनी ही माहिती दिली.

मोबाइल अॅप्लिकेशनवरुन गुन्हे दाखल करताना खोटे गुन्हे दाखल होऊ नयेत याची काळजी घेतली जाणार आहे. यासाठी तक्रारकर्त्याला ओळखीचा पुरावा जोडून ऑनलाइन तक्रार दाखल करावी लागणार आहे. येत्या एक महिन्यात हे लॉन्च करण्यात येणार आहे. अशी मुख्यमंत्र्यांनी माहिती दिली आहे. त्यामूळे गोवा प्रशासन अमली पदार्थ कारवाई प्रमाणे इतर गुन्ह्यांना आळा घालण्यासाठी वेगाने पावले उचलण्याची शक्यता निर्माण झाली आहे.