वास्को : कपड्यांच्या विविध ब्रँडस्ना उत्तेजन देण्याचा आमचा प्रयत्न आहे, असे मत मुख्यमंत्री डॉ. प्रमोद सावंत (CM Pramod Sawant) यांनी व्यक्त केले. 'फर्स्ट क्राय डॉट कॉम' या बेबी आणि किड्ससाठीच्या कपड्यांपासून खेळण्यांपर्यंतच्या विविधांगी उत्पादनांच्या सर्वात मोठा संग्रह असणाऱ्या स्टोअरच्या उद्घाटनप्रसंगी ते बोलत बोलत होते.

मुख्यमंत्री सावंत यांच्या हस्ते सार्थक गार्डन, फार्मागुडी हायवे, बायपास रोड, फोंडा येथे नुकतेच करण्यात आले. या वेळी सार्वजनिक बांधकाम मंत्री नीलेश काब्राल, कृषी हस्तकला आणि नागरी पुरवठा मंत्री रवी नाईक, वीज व गृहनिर्माण मंत्री सुदीन ढवळीकर, फर्स्ट क्रायचे व्यवस्थापक मुजम्मिल अवती व इतर मान्यवर उपस्थित होते.

यावेळी बोलताना मुख्यमंत्री डॉ. सावंत म्हणाले की, कपड्यांचे विविध ब्रँड गोव्यात येत आहेत. त्यांना उत्तेजन देण्याचा आमचा प्रयत्न असेल. कारण या कंपन्यामुळे नोकरी व्यवसायांना चालना मिळेल. तसेच अशा कंपन्यांना अनुदान देण्यात येणार असल्याचे मुख्यमंत्री सावंत यांनी सांगितले. या स्टोरमध्ये बेबी आणि किडस् उत्पादनांचा सर्वात मोठा संग्रह आहे. त्याचा लाभ फोंडा व इतर भागातील ग्राहकांनी घ्यावा, असे आवाहन मुख्यमंत्र्यांनी या वेळी केले. याप्रसंगी मंत्री नीलेश काब्रल, मंत्री रवी नाईक यांचीही समयोजित भाषणे झाली.

मुख्यमंत्र्यांच्या हस्ते रिबिन कापून तसेच दीपप्रज्वलन करून फर्स्टक्राय डॉट कॉमच्या शोरूमचे उद्घाटन करण्यात आले. उपस्थित मान्यवरांचे स्वागत समीर किनळेकर यांनी केले. आभार प्रदर्शन सुजया किनळेकर यांनी केले. उपस्थितांनी त्यांना शुभेच्छा व्यक्त केल्या.