Vijai Sardesai: 'ही' जाहिरात गोवेकरांची संधी कमी करण्यासाठी?

गोवा सरकारने 7 ऑक्टोबर रोजी विधानमंडळ सचिवालयातील संगणक अभियंता पदांसाठी संधी मिळणार असल्याचे स्पष्ट करत याबाबत वर्तमान पत्रांमध्ये जाहिरात दिली आहे. यामध्ये संभाव्य उमेदवारांना मराठी भाषा येणे अनिवार्य असल्याची अट देण्यात आली आहे. मात्र कोकणीबाबतचा कोणताही उल्लेख या जाहिरातीमध्ये नसल्याने गोवा फॉर्वर्डचे सर्वेसर्वा आमदार विजय सरदेसाई यांनी गोवा सरकारला फटकारले आहे.

(Vijay sardesai said Marathi compulsory for the posts of Computer Engineer in Legislature Secretariat could have cost jobs for Goans)

मिळालेल्या माहितीनुसार गोवा सरकारने 7 ऑक्टोबर रोजी विधानमंडळ सचिवालयातील संगणक अभियंता पदांसाठी वर्तमान पत्रांमध्ये जाहिरात प्रसिध्द केली आहे. या पदासाठी कोकणीबाबतचा कोणताही उल्लेख नाही. मात्र मराठी भाषा अवगत असणे अनिवार्य असल्याची अट पाहून आमदार विजय सरदेसाई यांनी गोवा सरकारला उद्देशुन एक ट्विट केले आहे.

या ट्विटमध्ये सरदेसाई यांनी म्हटले आहे की, मला आशा आहे की ही फक्त टायपिंगची चूक आहे आणि जाणीवपूर्वक केलेला प्रयत्न नाही. तसेच गोव्यासाठी नोकरीच्या संधी कमी करणे असा तर सरकारचा प्रयत्न नाही ? असे म्हणत सरकारला कोकणी अनिवार्य करण्यासाठी सुचवले आहे.

जाहिरात शुद्धीपत्रक जारी करा

गोवा फॉर्वर्डचे सर्वेसर्वा आमदार विजय सरदेसाई यांनी याबाबत भाष्य केले असून संबंधीत विभागाने गोवा विधानमंडळ सचिवालय संगणक अभियंता पदांसाठी जाहिरात शुद्धीपत्रक जारी करावे. असे ही त्यांनी म्हटले आहे. त्यानुसार नवीन जाहिरात शुद्धीपत्रक जारी करत अनेक गोमंतकियांना नोकरी गमावण्यापासून वाचवावे असे ही त्यांनी म्हटले आहे. कारण मुळात नोकरीखेरीज अनेक युवक बेरोजगार आहेत. यात सरकारने असे केल्यास गोवासियांना नोकऱ्यांना त्यांच्या मातृभाषेमुळेअनेक संधी गमावल्या लागतील असे ही त्यांनी म्हटले आहे.

विजय सरदेसाई यांनी सुचित केल्यानुसार प्रशासन या जाहिरातीमध्ये बदल करते, की आहे तीच लागू असणार हे पाहणे महत्वाचे असणार आहे. कारण राज्यात बेरोजगारी हा मोठा मुद्दा आहे. तर राज्यशासन मराठी अनिवार्य अशी अट घालत जाहिरात देत आहे. त्यामूळे बदल कोण करणार हे पाहणए महत्त्वाचं ठरणार आहे.