गेल्या काही दिवसांपासून राज्यात वेगवेगळ्या ठिकाणी असलेले प्रकल्प यामध्ये घनकचरा प्रकल्प, बायोमेडिकल कचरा, केमिकल वेस्ट प्रक्रिया प्रकल्प या समस्यांवरुन नागरिकांमध्ये संतापाचे वातावरण आहे. यावरुन नागरिकांनी निदर्शने करण्याची भुमिका घेतली आहे. याची दखल घेत मुख्यमंत्री प्रमोद सावंत यांनी देखील यापैकी काही प्रकल्पांना भेट देत पाहणी केली. या पार्श्वभूमीवर मुख्यमंत्र्यांनी आज मोठी घोषणा केली आहे.

(CM Pramod Sawant has announced that Asia's largest solid waste plant will be set up at Saligao)

मुख्यमंत्री सावंत म्हणाले की, राज्यात साळगाव घनकचरा प्रकल्प समस्या लवकरच सोडवली जाणार आहे. केवळ सोडवली जाणार नाही, तर साळगावात आशियातील सर्वात्तम घनकचरा प्रकल्प उभारला जाईल. याबरोबरच कुंडईत बायोमेडिकल कचरा प्रक्रिया प्रकल्प व पिसुर्लेत केमिकल वेस्ट प्रक्रिया प्रकल्प प्रस्तावित आहे. हे प्रकल्प देखील लवकरच मार्गी लावले जाणार आहेत.

गेल्या काही दिवसांपासून राज्यात चर्चेत असलेला साळ नदी प्रदुषणची समस्या सोडवली जाणार आहे. तसेच येत्या दीड ते दोन वर्षात सांडपाणी प्रकल्प व्यवस्थितरीत्या सुरू होतील असे आश्वासन ही त्यांनी दिले आहे. त्यामूळे राज्यात गेल्या काही दिवसांपासून सुरु असलेल्या समस्यांवर नागरीकांना आश्वासित केले आहे. त्यामुळे नागरीकात समाधानाचे वातावरण आहे. तसेच विरोधी पक्षांना ही चर्चेचे मुद्दे संपवले आहेत. त्यामुळे विरोधक मुख्यमंत्र्यांच्या आश्वासनांवर काय भुमिका घेणार हे पाहणे महत्त्वाचे ठरणार आहे.