CM Pramod Sawant About Mhadei River

पणजी: राज्य सरकार सदोदित गोव्याला हरित ठेवण्यासाठी, स्वच्छ ठेवण्यासाठी प्रयत्न करत आहे. त्यासाठी कराव्या लागणाऱ्या सुधारणा, आर्थिक तरतूद करण्यात आली आहे. म्हादईसंदर्भातही सरकार कार्यतत्पर असून भविष्यातही राहू , असे प्रतिपादन मुख्यमंत्री डॉ. प्रमोद सावंत यांनी केले. ते गोवा विधानसभेत आयोजित गोवा विधिकार दिन सोहळ्यात बोलत होते.

यावेळी सभापती रमेश तवडकर, विरोधीपक्षनेते युरी आलेमाव, माजी आमदार मोहन आमशेकर, व्हिक्टर गोन्साल्विस, सदानंद मळीक उपस्थित होते. दरम्यान मुख्यमंत्री डॉ. सावंत म्हणाले, आपण सर्व माजी आमदारांनी सरकारला प्रशासन, कायदा, सुव्यवस्था तसेच इतर बाबतीत मार्गदर्शन करावे आपल्या सूचनांवर सरकार म्हणून योग्य ती कार्यवाही, पाठपुरावा करू असे आश्‍वासन त्यांनी यावेळी दिले.

माजी आमदारांचा सत्कार

१९८९ ते १९९४ दरम्यान आमदार म्हणून कार्यरत असणाऱ्या माजी आमदार व्हिक्टर गोन्साल्विस, डॉ. कार्नो पेगादो, धर्मा चोडणकर, विनयकुमार उसगावकर, फॅरल फुर्तादो, मोहन आमशेकर, डॉम्निक फर्नांडिस, राधाराव ग्रासियस यांचा यावेळी सत्कार करण्यात आला.