गोवा: राज्यात गोवा विधानसभा निवडणूक अवघ्या काही दिवसांवर आली आहे. निवडणुकीसाठी काँग्रेस आणि राष्ट्रवादी-शिवसेना यांच्या युतीबाबत संपूर्ण राज्यात चर्चा चालू होती मात्र, सर्वोतोपरी प्रयत्न करूनही गोव्यात ही युती होऊ शकली नाही. "अनेक प्रयत्न करून देखील त्याचा फारसा फायदा झाला नाही मात्र काँग्रेस-राष्ट्रवादी-शिवसेना यांच्यात कोणताही करार नाही पण 'आम्ही मित्र आहोत आणि मित्रच राहू' असे विधान करत युतीच्या चर्चेला काँग्रेसचे ज्येष्ठ नेते पी चिदंबरम यांनी पूर्णविराम दिला आहे. (Clarification from P Chidambaram regarding alliance between Congress Shiv Sena and NCP in goa)

काँग्रेस शिवसेना आणि राष्ट्रवादी काँग्रेसच्या युतीचा भाग नसल्याचं राष्ट्रवादीकडून स्पष्ट

गोव्यात काँग्रेस शिवसेना आणि राष्ट्रवादी काँग्रेसच्या युतीचा भाग नसल्याचं राष्ट्रवादी काँग्रेसचे नेते प्रफुल्ल पटेल यांनी स्पष्ट केलं आहे. कोणत्याही वाटाघाटीसाठी काँग्रेस नेत्यांशी बोलणार नसल्याचे प्रफुल्ल पटेल म्हणाले.

आज, राष्ट्रवादी (NCP) काँग्रेस (Congress) आणि शिवसेना (Shiv Sena) पक्षाच्या नेत्यांनी गोव्यात दोन्ही पक्षांमधील निवडणूकपूर्व युती बाबत बैठक घेतली होती. हे दोन्ही पक्ष काँग्रेससोबत युतीसाठी इच्छुक होते आणि त्यांनी वेळोवेळी हात पुढे केले. मात्र, युती न करण्याच स्थानिक काँग्रेस नेत्यांनी स्पष्ट केलं.