Water Pipeline In Mapusa: दुरुस्त केलेली जलवाहिनी चार दिवसात पुन्हा फुटल्याने म्हापशात हजारो लिटर पाण्याची नासाडी होत असल्याची बातमी प्रसिद्ध होताच म्हापसा पाणीपुरवठा कार्यालयाने कामाला त्वरीत सुरुवात केली खरी मात्र हे काम अर्धवट स्थितीत ठेवल्याने नागरिकांनी संताप व्यक्त केला आहे. या ठिकाणी खड्डा खोदून ठेवल्याने वाहन चालकांना त्रास होत आहे.

म्हापसा पालिका शेत्रातील सर्व प्रभागांमध्ये रस्ता रुंदीकरण त्याचप्रमाणे विजेचे केबल घालण्यासाठी रस्ते खोदण्यात आले होते आणि हे रस्ते खोदत असताना वेगवेगळ्या ठिकाणी पाण्याची पाईपलाईट हा फुटण्याचा प्रकार सुरु ओह.

त्यामुळे परिसरातील लोकांना पाण्याची टंचाई मोठ्या प्रमाणात भासत आहे ज्या ज्या ठिकाणी लाईन फुटल्या त्या दुरुस्त करण्याकडे दुर्लक्ष होत आहे.दरम्यान, पाणीपुरवठा कार्यालयाच्या या दुर्लक्षामुळे हजारो लीटर पाण्याची नासाडी होत असल्याच्या घटना घडत आहेत.

गेल्या महिन्याभरापासूनच झेवियर कॉलेज, एकता नगर या ठिकाणी पाण्याची पाईपलाईन फुटून पाणी वाहत होते. दुरुस्त केलेली जलवाहिनी चार दिवसात पुन्हा फुटली मात्र त्याकडे पालिका कर्मचाऱ्यांनी लक्ष दिले नाही.