Chlorine Gas Leak Assonora Dainik Gomantak
गोवा

Chlorine Gas Leak Assonora : अस्नोडा जल प्रकल्पात लागली ‘क्लोरीन’ची पुन्हा गळती

प्रादुर्भावामुळे कर्मचारी भयभीत : वेळीच बचावकार्यामुळे दुर्घटना टळली

गोमन्तक डिजिटल टीम

Chlorine Gas Leak Assonora : अस्नोडा जलशुद्धीकरण प्रकल्पातील ‘क्लोरीन’ वायूने भरलेल्या सिलिंडरमधून आज पुन्हा एकदा गॅसची गळती झाल्याने प्रकल्पात मोठा आकांत ओढवला. मात्र, डिचोली अग्निशमन दलाचे जवान तसेच तज्ञांच्या पथकाने शर्थीचे प्रयत्न करुन गॅसची गळती नियंत्रणात आणल्यामुळे संभाव्य दुर्घटना टळली. गॅसची गळती नियंत्रणात आणल्यानंतर सर्वांनी सुटकेचा निश्वास सोडला.

गॅसची गळती नियंत्रणात आणण्यासाठी जवानांना पाचहून अधिक तास शर्थीचे प्रयत्न करावे लागले. या गॅसचा परिसरातील लोकवस्तीवर प्रादुर्भाव झाला नाही. तरी प्रकल्प परिसरातील झाडाझुडपांवर प्रादुर्भाव होऊन ती लगेच करपून गेली.

गेल्या मंगळवारी (ता.११) याच सिलिंडरमधून गॅस गळती झाली होती. मात्र, डिचोली अग्निशमन दलाने वेळीच गळती नियंत्रणात आणली होती. पण आज झालेल्या गळतीचा प्रादुर्भाव अधिक प्रमाणात होता.

आज (गुरुवारी) सकाळी दहा वाजण्याच्या सुमारास प्रकल्प परिसरातील सिलिंडरमधून ‘क्लोरीन’ या घातक गॅसची गळती होत असल्याचे प्रकल्पातील कर्मचाऱ्यांना जाणवले. या प्रकारामुळे प्रकल्पातील कर्मचारी भयभीत होऊन प्रकल्पाबाहेर.

अधिकाऱ्यांनी अग्निशमन दलाला या प्रकाराची माहिती दिली. डिचोली अग्निशमन दलाचे अधिकारी राहुल देसाई यांच्यासह पथकाने घटनास्थळी धाव घेतली. कॉक मोडल्याने त्यातून गॅस गळती होत असल्याचे निदर्शनास आले. अग्निशमन उपसंचालक राजेंद्र हळदणकर यांनी घटनास्थळी भेट दिली.

तज्ज्ञ पथकाकडून बचावकार्य

गॅस गळती मोठ्या प्रमाणात होत असल्याचे निदर्शनास येताच, अग्निशमन दलातर्फे खोर्ली येथील ‘डीक्केन’ केमिकल्सच्या तज्ञ पथकाला बोलावण्यात आले. अधिकारी गौरीश भेंडे यांच्यासह तज्ञ पथक दुपारी झाले. ३.३० च्या सुमारास गॅस गळती रोखण्यात यश मिळवले.

अग्निशमन चे अधिकारी राहूल देसाई तसेच हवालदार राजन परब, अमोल नाईक, गीतेश नाईक, लवशीन पिल्लाई, योगेश माईणकर, सुनील गावस, अमोल चोर्लेकर, नीलेश हळर्णकर आदींनी मदतकार्यात सहकार्य केले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Goa Live Updates: रणजी क्रिकेटमध्ये गोव्याचा कर्णधार दर्शन मिसाळ चमकला

Goa News: गोव्यात भूरूपांतरासाठी अनेक प्रस्ताव! 1 लाख 18 हजार 756 चौरस मीटर जमीनीवर लक्ष; 'नगर नियोजन'ने मागवले आक्षेप

Sattari Crime: वाळपईतील व्यावसायिकाला 'स्टॉक एक्स्चेंज'च्या व्याजाचे आमिष दाखवून एक कोटींचा गंडा! बंगळूरू येथील संशयितास अटक

Goa Drugs Case: गोव्यात डीजे रशियन महिलेकडे सापडले 17 लाखांचे अंमलीपदार्थ! छाप्यात मिळाले नव्या प्रकारचे ड्रग्ज

Zuari Accident: दुर्दैवी! नवीन झुआरी पुलावर झालेल्या दुचाकींच्या अपघातात एकाचा मृत्यू; अतिवेगाने गाडी चालवल्याबद्दल चालकास अटक

SCROLL FOR NEXT