अमेरिकन पर्यटकांना (American tourist) टॅक्सीने प्रवास करण्यासाठी बस चालकांना धमावून पर्यटकांना अडविल्याची घटना नुकतीच घडली. मुख्यमंत्री प्रमोद सावंत यांनी याप्रकरणी गंभीर दखल घेतली असून, मुजोर टॅक्सी चालकांना त्यांनी तंबी दिली आहे. तसेच, पोलिसांना याप्रकरणी सखोल चौकशी करण्याचे आदेश मुख्यमंत्री सावंत (CM Pramod Sawant) यांनी दिले आहेत.

काय म्हणाले मुख्यमंत्री सावंत

मुरगाव येथे क्रुजने (Mormugao Port) आलेल्या अमेरिकन पर्यटकांना बसने प्रवास करण्यास टॅक्सी चालकांनी रोखल्याची घटना निषेधार्ह आहे. अशा प्रकारे कोणी करत असल्यास त्याविरोधात सक्त कारवाई केली जाईल. तसेच, टॅक्सी चालकांनी बस चालकांना धमकावल्यास तर टॅक्सी चालकांना अटक केली जाणार आहे. शिवाय घडलेल्या प्रकरणात पोलिसांनी सखोल तपास करण्याची सूचना देखील मुख्यमंत्र्यांनी दिली आहे.

नेमकं घडलं काय?

मुरगाव येथे अमेरिकन पर्यटकांचे एक क्रुज दाखल झाले. या पर्यकांनी बसने जाण्याचा विचार केला. मात्र, टॅक्सी चालकांनी बस चालकांना धमकावले व पर्यटकांनी टॅक्सीनेच प्रवास करावा असा आग्रह धरला. टॅक्सी चालकांनी काही काळ अमेरिकन पर्यटकांना जबरदस्तीने थांबवून देखील ठेवल्याची माहिती समोर येत आहे. या घटनेची सरकराने गंभीर दखल घेतली आहे.